مسٹ (MUST) پلندری کیمپس: فاریسٹری ڈیپارٹمنٹ کی ایکریڈیشن کے سلسلے میں نیشنل ایگری کلچر کونسل کے وفد کا اہم دورہ
​(پلندری، 24 نومبر): میرپور یونیورسٹی آف سائنس اینڈ ٹیکنالوجی (مسٹ) کے پلندری کیمپس میں نیشنل ایگری کلچر ایجوکیشن ایکریڈیشن کونسل (NAEAC) کے ایک اعلیٰ سطحی وفد نے دورہ کیا۔ اس دورے کا بنیادی مقصد کیمپس کے شعبہ فاریسٹری (Forestry Department) کی ایکریڈیشن (Accreditation) کے معاملات کا جائزہ لینا تھا۔
​اس موقع پر وفد نے مسٹ پلندری کیمپس کی انتظامیہ اور طلباء سے تفصیلی ملاقاتیں کیں۔ دورانِ دورہ وفد نے تعلیمی معیار اور فراہم کردہ سہولیات کا جائزہ لیا۔ نیشنل ایگری کلچر کونسل کے اراکین نے کیمپس انتظامیہ کی کاوشوں اور بہترین مینجمنٹ کی خدمات کو سراہا اور کیمپس کی مجموعی کارکردگی پر اطمینان کا اظہار کیا۔